جاني نهار العيد ضمن المهنين
ياكيف جاني دمعته فوق خده

غصبن علي هليت انا دمعة العين
ماهوبشعوري بعد ماغاب مده


وهو يحاول يخفي الحزن ويبين
يومه ضحك والدمع بالخد حده

ماكنه الا جاي ضمن المعزين
ماهو فرح والعيد ضدي وضده

هو قد تذكر مامضاله من اسنين
وانا اتذكر حالي عقب المصده
قد كان قلبي له من العام والحين
قد كان يوقف لي برخاء او بشده
الوقت قاسي مير ماوده ايلين
من يوم ربي خالقه كنت اوده
غلاه في دمي بجوف الشرايين
لو غاب لا مايعيش ذا القلب بعده
الوقت جار وفرق اليوم غالين
واقفى وانا هاجرت من بحر جده
ماكنت اظن القاه بين الملايين
ماكنت اظن اسوق يدي بيده
حياك ربي يابعد عمري يازين
القلب بيتك واسكنه لا ترده
اظن شوفك يروي اقلوب ضامين
شوفك يرد الروح للروح وحده
شوفك يسلي خاطري عقب سنين
شوفك يهني القلب والضحك سعده

العيد واحد شوفتك صار عيدين
يامرحبا بك ياضياء بحر جده

تسلم يدك على الابيات
الحلوة

نتظر جديدك

صح صح يا غالي صح لسانك

واهنيك ع البيت الحلو
واتمنا يكون مروري اعجبك

غاليتي حلاتي

الله يسلمك والأحلى مرورك على متصفحي

صح صح يا غالي صح لسانك

واهنيك ع البيت الحلو
واتمنا يكون مروري اعجبك



صح بدنك اخوي الفلس


ومرورك وتشريفك لسمفونيتي تاج على راسي