مشاهدة النسخة كاملة : بيا عليكم عتب يا بنات النزلة
ريانة العود 31-12-2008, 11:08 AM السلام عليكم ورحمة الله وبركاته
انا بصرحة بيا عليكم عتب
احنا صحيح اهل حارة وحدة وجيران والمفروض اننا اقرب الناس من بعض لكن بصراحة الرجال احسن مننا
لان لو فيه مناسبة في الحارة سواء سعيدة او حزينة تلاقيهم كلهم يد وحدة وواقفين مع بعض
لكن عند النساء للاسف
انا على قد ما اروح عزيان او افراح ما اشوف بنات النزلة
ولو جو يقعدو زي الضيوف وشوية ويروحو بيوتهم
مع ان المفروض تكون يدهم بيد اهل المناسبة بما اننا اهل حارة وحدة
صارو اللي يوقفوا معاكي اهلك وجماعتك وصدقانك لكن اهل حارتك لو عزمتيهم وجو يكون كثر خيرهم
انا اسفة على لهجتي القاسية لكن مواجهة المشكلة ومحاولة حلها بالنسبة ليا افضل من تركها على حالها او الهروب
انا والله احبكم وعلشان كدة اتمنى اشوفكم في كل وقت ومناسبة
وفي النهاية برضو حنفضل اهل حارة وحدة
نزلاوية قمر 31-12-2008, 08:58 PM شكرا لك عزيزتي
انا اقلك ليه لان في النزله اتعودو الحريم يخرجو بدون بنات عشان كدا تلقي اغلب البنات حتى ما يعرفو بعض غير في المدارس
ممكن بس الحريم مع بعضم احسهم مره ما يقصرو
ياريت تصير تجمعات للبنات مع بعض وانتي تتبنيها يا ريانه العود
ريانة العود 01-01-2009, 07:27 PM شكرا لك يا نزلاوية
صح كلامك يمكن احنا ما نشوف بعض علشان مناسبات اهل النزلة بالذات الحريم يفضلوا انهم يروحوا من غير بناتهم
لكن احنا دحين ما عدنا صغار زي اول
وانا مستعدة اتبنى فكرتك واول ما يسمحلي الوقت رح اكلمكم واكلم بنات حارتي القربين وانتو بدوركم كلموا القربين منكم وصدقوني رح تكون جمعة ولا احلى
نزلاويه حماسيه 02-01-2009, 03:06 PM صح كلامك الحريم يخرجوا من دون البنات بس البنات يعرفوا على بعض في المدارس
الخزامى 02-01-2009, 03:11 PM من جد احنا لازم نتقرب من بعضا أكثر.وشكرا لك ريانة العود
الجمـ اليوسفي ـال 02-01-2009, 03:19 PM ^
^
يآالله انك تحيييهآ ,,
وعليكم السلآم ورحمة الله وبركاته ,,
يآبعدي آنتي جآوبوكِ البنآت ,,
والله لو جآت علينآ احنا البنآت كل يوم بنطق اللثمه وندور من بيت فلآنه لـ بيت علآنه ..
بس السبب في آمهآتنآ صرآحة ,,
يلآ نحدد يوم ونتجمع في بيت وحدهـ فينآ
<< يآليل الونآسه بس ..
منورهـ القسم ,, :)
.
.
سما النزله 02-01-2009, 04:20 PM شكرا ريانه على حماسك في الربط بين بنات الحاره
واذا على الرجال ترى هما عشان يتقابلوو اكثر مننا في المساجد وهو دا السبب في قوة ترابطهم
اما احنا كل وحده ماسكه بيتها ولاتخرج الا في الشديد
واذا اتجمعنا دحين وهدوووو النزله بعدين كيف نتلم مره تانيه هههههههه
وترحل,,,صرختي 02-01-2009, 07:40 PM عجبتني الفكرة بصراحه انا ما اعرف كثير عن بنات النزلة امكن بسبب الامهات ولا كن اعرف بنات النزلة من المدرسة واحيناً بعض المناسبات اريد ان اتعرف عليكم اكثر .
بحر العيون 04-01-2009, 08:05 PM والله فكره حلوه
عجيب يابنات النزله نقلب المنتدى وناسه
ههههههههههه
شوكولاتشي 07-01-2009, 02:22 PM يسعد مساكم..اتصدقون دايم مشاركاتي ع العام ..وهذي المشاركه الاولى لي بهالقسم ..ولا راح تكون الاخيره ..بالنسبه للاخت العتبانه ..اضم صوتي لها باعتباري من حارة الجهنان .وما عتب ال من محبه ..فديتك يالغاليه ..اختك شوكولاتشي
ريانة العود 08-01-2009, 07:27 AM هلا والله
تسلمو على المرور
والتعليقات الحلوة
وعلى قولة شوكولاتشي ما عتاب الا من محبة
والله يجمعنا على الخير دائما
راح زمان 23-01-2009, 02:54 PM والله فكرة حلوة حتى نتقرب من بعض [IMG]http://www.nozla.com/vb/../uploaded/203_1232711619.jpg[/IMG
راح زمان 28-01-2009, 01:07 AM وأنا يدي بيدكم
ياسلام لما نكون يد وحده قبل مانتشتت كل وحده في حي
ريانة العود 13-02-2009, 07:03 AM جات العلوم الزينة
.
.
.
.
.
.
في الاجازة انشاء الله
.
.
.
.
.
.
.
ابغى احجز استراحة وترى كللللللللللللللللكم معزومين عندي
وحيا الله من جانا
:18_10_26:
نبغي نتونس ونسولف
:chat:
انشاء الله لمن احجز اقلكم الزمان والمكان
واللي ما تقدر تجي تقول من بدري
ترى العشا على حسكم
واسترو ما واجهتوا
ولمن تجوا بتعرفوا انا مين وبنت مين
وشكرا على التفاعل
الجمـ اليوسفي ـال 13-02-2009, 09:04 AM ^
^
شي طيب / ومبآدرة حلوة منك ..
الله يجزآك خير ..
.
.
شمس الشروق 13-02-2009, 09:45 PM ياليت تبلغينا قبلها بكم يوم
والمتزوجات لا يجبوا اولادهم نبغى نقلبها وناسة وجنان
نزلاوية قمر 13-02-2009, 11:36 PM لا تنسا الطقاقه اذا مو كلفه
بحر العيون 14-02-2009, 12:55 AM اف والله حماس
طبعا انا جايه ياريانه من غير عزيمه
هههههههههههه
ابغى اتعشاء
اقول بس ياليت الاستراحه بمسبح علشان لى زمان ماسبح
(من جنبها)
وانا اعين واعاون
شيطوونه 15-02-2009, 11:42 PM سلاااااااااااااااااااااااام
بنات حارتنا بيتجمعو ومن ورايااااااااا وااااي منكم ولو وانا
المهم انا اول وحده وبجيب عيالي اما من غير عيال مو حلوه مالها طعم
ريانه يسلمو ع الاقتراح الصراحه مبادره مررررررره حلو منك يعطيك العافيه
ريانة العود 18-02-2009, 06:27 PM يااااااااا حلوين
.
.
.
.
.
ترى اللقا يوم الثلاثاء الجاي ان شاءالله
لكن في مشكلة
.
.
.
.
.
.
.
كيف اعلمكم بالمكان
طبعا ما اقدر اكتبه على المنتدى
نعدين بروح ونلاقي الشباب قبلنا هناك
رجاء اعطوني الحل بسرررررررررررررعة
قبل يوم الطلعة
ترى صدقوني بتنبسطوا
نزلاوية قمر 19-02-2009, 02:54 AM ارسلي الدعوه على الخاص
بس ياريت ما تخرجينا من الحاره مانبغى مشاوير
شمس الشروق 19-02-2009, 05:10 AM ارسلي على الخاص
لانو البنات مو كثير ايلي في المنتدى
وما قولتي من متى نجي عشان ما يوفتنا شي من الضحك واللعــــــب راح اجيبلكم الجونان
ممنوع اصطحاب الاطفال ماشي
ريانة العود 21-02-2009, 01:19 AM هلا والله
ارسلت العنوان للي ردو على الموضوع
واللي ما جاها العنوان تردلي
وحياكم الله
سما النزله 22-02-2009, 11:00 PM ريانه مو بعيد المكان؟
وبعدين المفروض نتشارك عالتكاليف
دمعة غلا 23-02-2009, 06:00 PM مرحبا والله صادقة يعني الحين في ناس كثير نعرفهم في المنتدى( الله يعطي العافية الي سوى المنتدى) يعني على قل تجمعنا نحن البنات الي ماكن نجتمعنا برا البيت مثل العزومة والافراح والمناسبات.......الخ
اجتمعنا في المنتدى الراااايع
يسلمو على الفكره الروعه
تقبلي تحياتي وشواقي
حلاتي اساس غلاتي 25-02-2009, 05:03 PM مشكوة موضوعك مرة حلو
بسبه لي اعرفكم من بعيد وكذا
وحدة اعرفهم من المدسة
بس من فترة لفترة اشوفكم اقربها
الغمرة اللي كانت يوم السبت
:chat:
الخزامى 04-03-2009, 05:23 PM كيفك ريانه العود كيف التجمع صار أحكي لنا للأسف ما قدرت أجي ومن جاء من بنات المنتدى واش الفعاليات الي سويتوها وهل كان في مضايقات ولا لا . وسلامتك
شهووووده 02-06-2009, 06:24 AM انا تحمست وما احب القطيعه
بس ما اشوف في النزله ولابنات كل الي اشوفهم ستات كبار بس
ياليت اعرف بنات النزله
واروح لهم ويجوني
بس......................................ما اعرف احد كل البنات الي اعرفهم من برا النزله
أميرة الورد 02-06-2009, 08:34 AM :)
اشوف تفاعل وحماس
على بركه يارب . تحياتي لكمـ جميعاا .
ّ&*عطـــ الورودـــر*&ّ 03-06-2009, 01:09 AM اذا على العتب ياريانه العود والله حتىانا عتببااااااااااااانه على بنات حارتي سبيكي من التواصل في الحاره انا كتبت موضوع اليوم ولا احد ماعلق عليه والله مررررررررة كسفتوني وهذا اول موضوع انزله ما اتوقعتكم كذا كان العشم بيكم كبييييييييير يلا على العموم مشكورين ومعليش ياريانه احس اني دخلت عرض
أميرة الورد 03-06-2009, 01:56 AM افا والله الحين اروح ارد عليه ياعسل
تحياتي لك
نزلاويه مهاجره 11-07-2009, 11:05 PM كلامك صحييح - تصدقون انو مالي صديقات من النزله كل صحباتي من خارجها رغم ان النزله ملياااانه بنات00المشكله اني تزوجت وسكنت برا النزله 00لكن مازالو اهلي هناااك وازور النزله 3 مرات في الاسبووع تقريبا00سبحان الله ولدت ودرست وكبرت في النزله وماعرفتكم وهذا انا طلعت منها واتواصل معكم في المنتدى وبعد مااعررفكم (حاله صعبه) ههههههه
|