مرعي عسيري
24-01-2012, 08:39 PM
السلا م عليكم ورحمة الله وبركاته
احبائي سأقص عليكم في هذا الموضوع قصة موقف حصل لي في شبابي ودرسا لاينسا كان درسا قاسيا وموقف عجيب غريب صنعته
الصدفه واي صدفه تحولت لصدمة افقت منها وقد تغيرت اشياء كثيرة من حولي وفي نفسي وتفكيري درس بليغ لم ولن انساه
في تلك الفتره من الزمان كنت اتواصل مع من اعرف من خارج جده ومنها منطقة بدر ديرة طلق الوجيه الصبوح اخواني وجيراني وصدقاني في جميع مراحل عمري وللان جاتني دعوه لزفاف احد الاصدقاء هناك والزواجات والاعياد في القرى غير تعرفون اللعوب والشعار واهلها في الجو والمكان المناسب والله طرب وفن متعوب عليه المهم طيب اللي افتكرت ولا بغيت اسري بكم بعيد عن موضوع الدرس اللي تلقيته يومها مالكم بطوال الهرج تعشينا وتمتعنا وشاركنا في الفرح ولفت نظري من وقت ماوصلت رجل لاتخطئه العين مميز الشكل والمظهر
في ذيك الايام ماتعرف اهل الفرح من المعازيم كلهم مدهملين ماعدا هذا الشخص متأنق من شدة ملاحظتي وقتها ماشفت واحد في ذاك المحفل مزرر ازارير الثوب كلها حتى العريس وانا حلوقنا هالعه غير هذا الرجال احمر الوجه صافي البشره الناس هناك بلون الحرار اللي حولهم الاسحم والمحروق اضحك الان لاني تذكرت واحد واقف فوق راسي اطالع في رجليه سود احسبه خال ولمن رفعت نظري وانه لونه ماهو مطابق لون رجوله من لعب الزير والبدواني ارجع للغريب
كانت موضة الدقن الملكيه شبه مخنجره ماتشوفها الا على ناس معينين لان العنايه بها في ذاك الوقت مستحيله كانت لحيته وشاربه
في غاية التنسيق الجميع اللي متكي واللي ماد رجوله واحمر الوجه هذا لم يغير من جلسته شي متربع منصوب الظهر لولا الشيب ماتعطيه ولد عشرين فجأه جاني اخو العريس قللي ابو احمد يسأل عنك من ابواحمد وانه يئشرلي عليه قلت منين يعرفني وقمت انا ابغى اتقرب من هذا اللي شاغلني بمظهره سلمت عليهم مجلس مليان جالسين بين يديه وحوله كأنه شيخ صوفي وحوله مريديه يستمعون لكلامه ويبدون الاعجاب بالقول والحركه عجيب لحظات وقد اسرني مثلهم ماعليك الا ان تسال عن بييت شعر اوقصيده ومن قالها وفي من قيلت ومناسبتها او قصة حدثت الرجل موسوعة ومكسب لمن هو مثلي في ذاك الوقت كسرات مغامرات
كان يقص القصص وينسبهاا لرفيق له متوفي لم يذكر قصه وشارك فيها هو فقط شاهد او سمع من رفيقه قبل موته من غرائب القصص التي ذكرها لنا ليلتها ان رفيقه كان رجل فداوي مايهاب ولايعمل حساب لااحد واللي يعرفونه يتوقونه لشره قال كنت متزوجا من احدى بنات الصلب في الكويت وصديقه متزوج قبله هناك وكانو الاثنين اثناء سفرهم وتنقلاتهم لايمشون مع الطرق المعروفه ووسيلتهم في السفر اي جمل سايب او حمار يجدونه او يسرقونه يقطعو به مسافه ويتركونه حتى لايلحقهم احد لاتوجد حدود فيه مداخل رسميه ولكنهم مايجونها وارحامهم في البربعيد عن المدن يذكر عن رفيقه انه كان يسلب وينهب واذا حصل شي رجع لارحامه في الكويت الى حد ماتخلص الغله لاطاردوه السعوديه راح الكويت ولاطارده من الكويت زبن في السعوديه قال في احدى الكسرات سمعتها قبل وابغى اعرف من قالها ومناسبتها لان القصص حولها كثيرقلت ايش قصة هذي الكسره هي لك قال لا لرفيقي وفاجأني قال لاطابت نفسك وبتروح جده انا خويك ماعندي سياره واعلمك عن القصه برواق في الطريق لان القصه فيها اشياء ماتنذكر شوقني فرحت بانه يخاويني دخل مزاجي بمخزونه واسلوبه وافكاره المرتبه جات الحزه قلت يالله يابو احمد ودعنا اصحابنا ومعنا موكب يرافقنا الى ان طلعنا الاسفلت
طول الوقت وانا عندي احساس ان هناك حلقة ضائعه وكنت اعزوها لنفسي من شدة تاثير ابو احمد وكانه يقرا افكاري قبل ان اساله عن الشئ الا هو جايبلي طاريه عرفني على نفسه بشكل مقتضب
اسمه وقبيلته وبعض المهن اللي اشتغلها وبدا بالسالفه وقلي باسم رفيقه قال كنت انا واياه في الدمام وجانا رجال يعرفه رفيقه وبلغه ان في كلام ان حرمته في الكويت يعقبه عليها ابن عمها وهم بينهم قصة حب من اول00 ذيك الايام ماجاتنا المسلسلات البدويه ولانعرفها ولا كان قلت الرجال يألف قال ثاني يوم قله رفيقه انا رايح للكويت وابغى اجيهم وهم مايدرون واشوف يقولون ان ابن عمها عايش معاها في بيتها يقول شفت الرجال متاثر وبيني وبينه صداقه قال قلت ابشر بمن يخاويك يقول مشينا نركب ونمشي الى ان وصلنا وصلنا الحدود خامس يوم وكانت بيوت ارحامه ساكنين بيوت الشعر قريب الحدود وانا ارحامي بعدهم بمسافه يقول اعطاه رفيقه مقاضي وفلوس وقله مر على ارحامي وقلهم مرسلني فلان واذا سألوك عن جيتي قلهم الشهر الجاي حتى اذا كان الكلام صحيح يطمنون ولاينتبهون قال وصلت الامانه وبلغتهم وسريت لعيالي وهذا خلا الليل يتناصف وجاك يتسلل من ورى البيوت وهو في الظلام مادري الاهو طايح في حفره مايخبرها من اول ولايحفرون هناك الا للقبور طالع فيها وانها حفرت قبر قال يمكن احد توفي في الليل ومجهزين قبره طلع من الحفره يتخفى الى وصل بيته ورفع الرواق بشوش ودخل والا الرجال في فراشه مع المره بس معترض نايم من التعب وبندقه معلقه يقول طالع والا الرجال يوم تعدل في سدحته وطاح راسه للخلف وحنجرته تدعيه للذبح معه سكين ولايبغى المره تحس تروح تصيح ولاشي وبحركه وحده جا من عند روسهم وشحط رقبة غريمه وحط يده الثانيه على فم المره من حدة السكين وسرعته الرجال مارفس الا رفسه ولاكررها عرف انه مات قعد المره وحلف لها انها لونطقت كلمه بتلحقه
وعاهدها انه مايؤذيها لانه على قوله كان يحبها بس تعلمه بالسالفه
كلها قال قالت له انهم يعشقون بعضهم من قبل ياخذها واتفقو هي واياه على قتله وقد حفرو له قبر في المحل الفلاني قلها انا لقيت القبر وشكيت فيه ولكن ماطرا لي انه لي لكن اذا تبغين الستر قومي ساعديني بدفنه في القبر اللي هوحافره قامو وشالوه ورموه في القبر وحطو بندقيته وكل حاجاته معاه وقلها انا باسري قبل النهار وانتي قومي الصبح اسالي عنه وقولي انك تزاعلتي معاه وشال بندقيته بالليل وخرج مدري فين راح وبس فعلا سرى الفداوي بليله والصباح بلغت اهلها انه كان عندها في الليل وزعل منها وحلف انه ماهو راجع صدقوها اهله وجلسو سنين يسألون عنه مايدرون انه مقتول عندهم واظن لليوم محديري غير صاحبي ابو احمد القصه قلي واحد انها قصته هووهو الفداوي لاله صاحب ولاصديق
وقال رفيقي عاش الى ان مات وكان يروح ويجي على زوجته في الكويت ويخبرهم انه سمع طاري فلان المقتول انه شافه رجال ويوم شافه شرد وقصص يولف لهم لحد مانسيوه القصه طويله من بدر مانتهت الا وحنا طالعين كبري الجامعه في نفس الوقت التفت لي وقال ابغا اكلف عليك الا ان كانك مستعجل قربني من المطار القديم
اقلت ابشر قلي قبل انه ساكن الجامعه سألته ايش عندك في المطار ذحين على فكره ذيك الايام المطار كان شغال ماانتهى الجديد قال والله ياخوي السلامه العلم لك خير انا ماعندي عيال عندي ثلاث بنات
واثقل عليه حملهم وسهل الله لوحده منهم عريس والليله حددنا الملكه خفافي انتبهو للكلام والاسلوب عشان اذا عند احد نصبه يسوي زيه والله ماتخر المويه قال وابغا المكاتب اللى عند المطار تاجر سيارات اخذلي سياره اتجمل بها قدام ارحامناواجبرخاطر البنت اوديها تجيب حاجاتها هي وامها الله موقف انساني موقف شهامه يفوت عليه انا راعي الجميله من يومي نزلاوي المروه اخلاقنا لفيت من قبل المطار وقلت له لاتأخذ سياره ولا شي الميتين تنفعك في غيرها انا رجال عندي اجازه اليوم وباروح انام والسياره ماتلزمني خلاص وصلني بيتي في النزله وخذ السياره ولاخلصت اعطيني تلفون ايامها الارضي واجيك ولا تجيني ماهي مشكله المهم اقضي عازتك والناس لبعضها ياابن الحلال قال تصدق اني مستحي منك ومن نفسي لاني اول مره اطلب من احد شي وهو صادق بعدين عرفت انه مايطلب ينهب
قال اجل ابغاك تجيني بدري تشرفني تحضر الملكه انت اول المعازيم
انا منقطع عن الناس ولاعندي الا انت واثنين من الجيران وحلف عليه اني اذا ماعندي نيه لحضور الملكه ماهو ماخذ سيارتي افا ياشيخ السياره والله تاخذها وانا اوعدك اني اكون اول الحاضرين قال انا بعد المغرب اذا ماجيتني باترك ضيوفي وجايك قلت لاتشيل هم
افا ياابو احمد بغيت اقله ماتدري اني نزلاوي والفزعه والمروه في دمناانا بصراحه دلخت مدري سحرني الراجل ماادري صحيح ماعندي
خبره ومامرستني الحياه والدنيا كانت بخير مافسدت زي ذحين
تصدقون ان الرجال عزمني واعطيته سيارتي واقسمت له اني اجيه
وهو ماوراني بيته في الجامعه نيتي خدمتنى ولكن صدقي نجاني
بدون ماكلمه كنت متجه على النزله دورت وخشيت الجامعه قال خير نسيت شي قلت لاانا ولانته تذكرنا اني مااعرف بيتك وين عشان اجيك حاول اني اروح النزله وهو يجيني بنفسه وياخذني المغرب انا اصريت اني اجي بتكسي ولااشغله عن لزومه وملكة بنته وكان اصراري عجيب ولا ماني جايب خبر المهم جابني في شارع فرعي ومن بعيد اشرلي على بيت في اخر الشارع وقلي من يوم تجي اصلك بتشوف اللمبات تلقاني قدامك نزلت عند بيتي وراح ولسانه يلهج بعبارات الشكر والثناء على موقفي معاه بعد المغرب على مهلى تلبست وتعطرت وشكيت الغتره والعقال وليموزين وعلى الجامعه جيت المكان اللي وصفلي هوه وانه اظلم شارع شفته في حياتي وصمت القبور قبل العشاء ولا نفاخ النار اساله عن ابو احمد لولا حساسية في الموضوع لذكرت لكم اسمه المهم ماهو الفار لعب في عبي ابو عرس الكبير حسيته وبدات اراجع السيناريو قد يكون حصل مكروه له ولالاحد ولغو الملكه قد يكون اختلفو يمكن لكن ابو عرس ماريحني لان تلفوني عنده لو حصل شي لايمكن لاانسان ان ينسى شخص عمل معه معروف وقتها لو كان اردى الناس مع راعي الجميل مايختلف ويجب عليه ان يراعي هذي المساله اذا كان رجل سوي اخذت لي وقت والله ماادري قد ايش ولكنه كان دهرا لي عندي اصدقاء من جماعته وناس من الصبوح اللي كانو معنا في الزواج ويعرفونه مريت على واحد وسألته تعرف فلان قال من قلت
فلان قلي اول قلي انته فين عرفته وفين طبيت فيه قلت والله ماعرفته الا كذا وعلمته بالقصه بدات اعصابي تتلف قلي اهدا واملك حواسك كلها ولا الله يعوض عليك في سيارتك هذا الرجال مقطوع راس وقاطع طريق ولا عمره اخذ عازة احد ورجعت وقبل ثلاثين سنه اشتغل عند ابويه سواق وحمل للحسا وباع السياره وبضاعت التاجر هناك ولاشافه للان ابويه تخيل نفسك مكاني قال صديقي اخشى مااخشاه انه يحمل السياره مخدرات ويطب في يد الحكومه يشرد ويترك السياره الحكومه ماتعرفه ولاتصدقك وقد سواها في واحد قبل كذا ياشيخ يعني سيارتي وسجن قلي الشرهه على فلان وفلان في بدريعرفونه كان نبهوك
اصبح قلبي فارغا احس اني في هاويه اومطب جوي في الطياره
صورلي ابليس كل امر بشع ولولا صديقي هذا ووقفته معي ماادري ايش بيجرالي مرتبك خايف زعلان مقهور محتقر نفسي نادينا على واحد نعرفه يمكن شافه قال سيارتك حمرا والله شفتها في برحت الذيابي واظنه قالو يصرف حبوب هناك قمت ابغا اخرج ماني داري فين اروح متخيل ان الحكومه طبت في السياره وتدورلي قلي صديقي ومااحلى الصداقه لمثل هذه المواقف والله انها من النعم الكبرى قام ولبس وقال قوم انشاالله مانرجع الا بهامادام لقيناله جره بنتبعها صاحبي عنده سياره جديده مشينا وصلنا لقينا راعي لوري خربان مقلع ماهو على وجه الارض سألناه قال كان عندي وبشتري منه بس اظنه شافكم واتجه شمال يعني يبيع صح الله واكبر ضعت يامرعي وضاعت الحرمه والبنت مالها سته شهور الله لايوقع احد منكم وقعتي
اتذكر قال صاحبي يالله وراه شدينا وصلنا مستوره جينا عند حذيفه في القهوه نعرفه ويعرفنا سالناه قال اخوه حمدان كان في الرايس
وقابل ابو احمد معاه سياره حمرا يقول مستأجرها واغلب الظن انه رايح بدر يالله جينا بدر اعرف اكثر من خمسين شخص هناك قابلنا بعضهم
راحو جابو واحد من جماعته قال جاني هنا وبغا يبيعني السياره بس خفت منه لاني اعرفه حرامي 00 ابغا واحد يطمني ولايهون عليه مافي غير صاحبي اللي مهتم باامري وشايف حالتي صعبه قلي لو لقيناه
هنا ايش بتسوي قلت له اول شي اولع في السياره واحرقها وان لقيت فرصه اشويه وسطها قال تحرق السياره قلت والله وانا صادق ودي اسمع بها في حادث مابقي منها مسمار اني لااذبح ذبيحه واغني وارقص رجعنا لقينا ابو صالح عمنا البيطار الله يرفع عنه ويشفيه دهيس بن يحي الصبحي من كيلو ثلاثه قال اشبكم علمناه
قال البيت اللي وراك اياه صحيح بس بابه من الخلف بيت حرمته بنت عمه ولاعنده بنات الكذاب ولاشي عند ولد في الرياض ولايجي جده عشانه قلت زهمنا دقينا الباب البيت مافيه احد قال فيه وغريمك لابد يضوي لو غاب يوم او يومين يجي لانه يقفل عليها في االبيت مستأسرها هذا مجرم
طيب قال الثلث الاخير من الليل اتحراه ودور لسيارتك حول المنطقه
تلقاه مخفيها بعيد الثلث الاخير انا من الساعه عشره والله يااخواني
اني من التعب مااشوف احيان الا مثل الضباب قدام عيني وراسي يصقع في الدركسون من النعاس الساعه ثلاثه فجر قلت اريح ظهري شويه احسه بينكسر دوب مديت واني اسمع صوت شكمان سيارتي وشفت نورها وقفت في شارع خلفي راح النوم والتعب طاير مع الشارع ماصحيت الا انا صادم فيه كان جي للبيت من الزقاق مظلم تدرون ايش سويت فصخت المداس الله يعزكم يحسبني ابغا اضربه قلت خذ قال ايش قلت اعطيني به ثنتين ولا ثلاث لاني استاهل ماهو مداس يبغالي حذيان المسجد كلها تصفقني فركت المفتاح من يده قال لي حاجات في السياره قلت لك التراب والله ان لحقتني عند السياره اني لاادعسك قصةوموقف ودرس قاسي لاينساه الا ميت قلب سامحوني ادري اني اتعبتكم وازعجتكم ولكني احبكم واحد يجيك يقلك جواز البنت طهارالولد نفاس الحرمه ماتعرف ابوه وجده وبيته وسلاله اهله لاتعطيه سيارتك اصحا اقلكم هذا الكلام وانا كنت في ذلك الوقت لايمكن اعطي سيارتي لااقرب شخص لي لو يبغا الرياض اوديه مكان مايبغا في اى وقت لكن السياره لا وفوق هذا حلفت على ابو احمد واقسمت انه ياخذها وعبيتها له بنزين تصدقون اني برضي معجب بذكائه وزعلان من غبائي الى اليوم لااراكم الله مكروه ولاطببكم في فداوي مقطوع راس اهب
ا لكسره تقول
تعاونو وحفرو قبري 00مقصودهم يدفنوني فيه
من يعلم الغيب من يدري00قبر حفرته وتدفن فيه
اظن اني لخبطت فيها ماني متأكد الوقت طويل من وقتها للان
يقول ان صديقه قالها وهو متكي فوق الرجال المقتول رحمه الله هو عند ربه وهو ادرى بعباده وعن نفسي انامسامحه من ليلتها قال لي احد الثقاة اللي يعرفونه تمام قال كل القصص والمصايب اللي ينسبها لخويه هو نفسه ماله خوي ولا صاحب ولا كان احد يدري عنه وين يروح مطارد من القبايل والحكومات وعجزو فيه
احبائي سأقص عليكم في هذا الموضوع قصة موقف حصل لي في شبابي ودرسا لاينسا كان درسا قاسيا وموقف عجيب غريب صنعته
الصدفه واي صدفه تحولت لصدمة افقت منها وقد تغيرت اشياء كثيرة من حولي وفي نفسي وتفكيري درس بليغ لم ولن انساه
في تلك الفتره من الزمان كنت اتواصل مع من اعرف من خارج جده ومنها منطقة بدر ديرة طلق الوجيه الصبوح اخواني وجيراني وصدقاني في جميع مراحل عمري وللان جاتني دعوه لزفاف احد الاصدقاء هناك والزواجات والاعياد في القرى غير تعرفون اللعوب والشعار واهلها في الجو والمكان المناسب والله طرب وفن متعوب عليه المهم طيب اللي افتكرت ولا بغيت اسري بكم بعيد عن موضوع الدرس اللي تلقيته يومها مالكم بطوال الهرج تعشينا وتمتعنا وشاركنا في الفرح ولفت نظري من وقت ماوصلت رجل لاتخطئه العين مميز الشكل والمظهر
في ذيك الايام ماتعرف اهل الفرح من المعازيم كلهم مدهملين ماعدا هذا الشخص متأنق من شدة ملاحظتي وقتها ماشفت واحد في ذاك المحفل مزرر ازارير الثوب كلها حتى العريس وانا حلوقنا هالعه غير هذا الرجال احمر الوجه صافي البشره الناس هناك بلون الحرار اللي حولهم الاسحم والمحروق اضحك الان لاني تذكرت واحد واقف فوق راسي اطالع في رجليه سود احسبه خال ولمن رفعت نظري وانه لونه ماهو مطابق لون رجوله من لعب الزير والبدواني ارجع للغريب
كانت موضة الدقن الملكيه شبه مخنجره ماتشوفها الا على ناس معينين لان العنايه بها في ذاك الوقت مستحيله كانت لحيته وشاربه
في غاية التنسيق الجميع اللي متكي واللي ماد رجوله واحمر الوجه هذا لم يغير من جلسته شي متربع منصوب الظهر لولا الشيب ماتعطيه ولد عشرين فجأه جاني اخو العريس قللي ابو احمد يسأل عنك من ابواحمد وانه يئشرلي عليه قلت منين يعرفني وقمت انا ابغى اتقرب من هذا اللي شاغلني بمظهره سلمت عليهم مجلس مليان جالسين بين يديه وحوله كأنه شيخ صوفي وحوله مريديه يستمعون لكلامه ويبدون الاعجاب بالقول والحركه عجيب لحظات وقد اسرني مثلهم ماعليك الا ان تسال عن بييت شعر اوقصيده ومن قالها وفي من قيلت ومناسبتها او قصة حدثت الرجل موسوعة ومكسب لمن هو مثلي في ذاك الوقت كسرات مغامرات
كان يقص القصص وينسبهاا لرفيق له متوفي لم يذكر قصه وشارك فيها هو فقط شاهد او سمع من رفيقه قبل موته من غرائب القصص التي ذكرها لنا ليلتها ان رفيقه كان رجل فداوي مايهاب ولايعمل حساب لااحد واللي يعرفونه يتوقونه لشره قال كنت متزوجا من احدى بنات الصلب في الكويت وصديقه متزوج قبله هناك وكانو الاثنين اثناء سفرهم وتنقلاتهم لايمشون مع الطرق المعروفه ووسيلتهم في السفر اي جمل سايب او حمار يجدونه او يسرقونه يقطعو به مسافه ويتركونه حتى لايلحقهم احد لاتوجد حدود فيه مداخل رسميه ولكنهم مايجونها وارحامهم في البربعيد عن المدن يذكر عن رفيقه انه كان يسلب وينهب واذا حصل شي رجع لارحامه في الكويت الى حد ماتخلص الغله لاطاردوه السعوديه راح الكويت ولاطارده من الكويت زبن في السعوديه قال في احدى الكسرات سمعتها قبل وابغى اعرف من قالها ومناسبتها لان القصص حولها كثيرقلت ايش قصة هذي الكسره هي لك قال لا لرفيقي وفاجأني قال لاطابت نفسك وبتروح جده انا خويك ماعندي سياره واعلمك عن القصه برواق في الطريق لان القصه فيها اشياء ماتنذكر شوقني فرحت بانه يخاويني دخل مزاجي بمخزونه واسلوبه وافكاره المرتبه جات الحزه قلت يالله يابو احمد ودعنا اصحابنا ومعنا موكب يرافقنا الى ان طلعنا الاسفلت
طول الوقت وانا عندي احساس ان هناك حلقة ضائعه وكنت اعزوها لنفسي من شدة تاثير ابو احمد وكانه يقرا افكاري قبل ان اساله عن الشئ الا هو جايبلي طاريه عرفني على نفسه بشكل مقتضب
اسمه وقبيلته وبعض المهن اللي اشتغلها وبدا بالسالفه وقلي باسم رفيقه قال كنت انا واياه في الدمام وجانا رجال يعرفه رفيقه وبلغه ان في كلام ان حرمته في الكويت يعقبه عليها ابن عمها وهم بينهم قصة حب من اول00 ذيك الايام ماجاتنا المسلسلات البدويه ولانعرفها ولا كان قلت الرجال يألف قال ثاني يوم قله رفيقه انا رايح للكويت وابغى اجيهم وهم مايدرون واشوف يقولون ان ابن عمها عايش معاها في بيتها يقول شفت الرجال متاثر وبيني وبينه صداقه قال قلت ابشر بمن يخاويك يقول مشينا نركب ونمشي الى ان وصلنا وصلنا الحدود خامس يوم وكانت بيوت ارحامه ساكنين بيوت الشعر قريب الحدود وانا ارحامي بعدهم بمسافه يقول اعطاه رفيقه مقاضي وفلوس وقله مر على ارحامي وقلهم مرسلني فلان واذا سألوك عن جيتي قلهم الشهر الجاي حتى اذا كان الكلام صحيح يطمنون ولاينتبهون قال وصلت الامانه وبلغتهم وسريت لعيالي وهذا خلا الليل يتناصف وجاك يتسلل من ورى البيوت وهو في الظلام مادري الاهو طايح في حفره مايخبرها من اول ولايحفرون هناك الا للقبور طالع فيها وانها حفرت قبر قال يمكن احد توفي في الليل ومجهزين قبره طلع من الحفره يتخفى الى وصل بيته ورفع الرواق بشوش ودخل والا الرجال في فراشه مع المره بس معترض نايم من التعب وبندقه معلقه يقول طالع والا الرجال يوم تعدل في سدحته وطاح راسه للخلف وحنجرته تدعيه للذبح معه سكين ولايبغى المره تحس تروح تصيح ولاشي وبحركه وحده جا من عند روسهم وشحط رقبة غريمه وحط يده الثانيه على فم المره من حدة السكين وسرعته الرجال مارفس الا رفسه ولاكررها عرف انه مات قعد المره وحلف لها انها لونطقت كلمه بتلحقه
وعاهدها انه مايؤذيها لانه على قوله كان يحبها بس تعلمه بالسالفه
كلها قال قالت له انهم يعشقون بعضهم من قبل ياخذها واتفقو هي واياه على قتله وقد حفرو له قبر في المحل الفلاني قلها انا لقيت القبر وشكيت فيه ولكن ماطرا لي انه لي لكن اذا تبغين الستر قومي ساعديني بدفنه في القبر اللي هوحافره قامو وشالوه ورموه في القبر وحطو بندقيته وكل حاجاته معاه وقلها انا باسري قبل النهار وانتي قومي الصبح اسالي عنه وقولي انك تزاعلتي معاه وشال بندقيته بالليل وخرج مدري فين راح وبس فعلا سرى الفداوي بليله والصباح بلغت اهلها انه كان عندها في الليل وزعل منها وحلف انه ماهو راجع صدقوها اهله وجلسو سنين يسألون عنه مايدرون انه مقتول عندهم واظن لليوم محديري غير صاحبي ابو احمد القصه قلي واحد انها قصته هووهو الفداوي لاله صاحب ولاصديق
وقال رفيقي عاش الى ان مات وكان يروح ويجي على زوجته في الكويت ويخبرهم انه سمع طاري فلان المقتول انه شافه رجال ويوم شافه شرد وقصص يولف لهم لحد مانسيوه القصه طويله من بدر مانتهت الا وحنا طالعين كبري الجامعه في نفس الوقت التفت لي وقال ابغا اكلف عليك الا ان كانك مستعجل قربني من المطار القديم
اقلت ابشر قلي قبل انه ساكن الجامعه سألته ايش عندك في المطار ذحين على فكره ذيك الايام المطار كان شغال ماانتهى الجديد قال والله ياخوي السلامه العلم لك خير انا ماعندي عيال عندي ثلاث بنات
واثقل عليه حملهم وسهل الله لوحده منهم عريس والليله حددنا الملكه خفافي انتبهو للكلام والاسلوب عشان اذا عند احد نصبه يسوي زيه والله ماتخر المويه قال وابغا المكاتب اللى عند المطار تاجر سيارات اخذلي سياره اتجمل بها قدام ارحامناواجبرخاطر البنت اوديها تجيب حاجاتها هي وامها الله موقف انساني موقف شهامه يفوت عليه انا راعي الجميله من يومي نزلاوي المروه اخلاقنا لفيت من قبل المطار وقلت له لاتأخذ سياره ولا شي الميتين تنفعك في غيرها انا رجال عندي اجازه اليوم وباروح انام والسياره ماتلزمني خلاص وصلني بيتي في النزله وخذ السياره ولاخلصت اعطيني تلفون ايامها الارضي واجيك ولا تجيني ماهي مشكله المهم اقضي عازتك والناس لبعضها ياابن الحلال قال تصدق اني مستحي منك ومن نفسي لاني اول مره اطلب من احد شي وهو صادق بعدين عرفت انه مايطلب ينهب
قال اجل ابغاك تجيني بدري تشرفني تحضر الملكه انت اول المعازيم
انا منقطع عن الناس ولاعندي الا انت واثنين من الجيران وحلف عليه اني اذا ماعندي نيه لحضور الملكه ماهو ماخذ سيارتي افا ياشيخ السياره والله تاخذها وانا اوعدك اني اكون اول الحاضرين قال انا بعد المغرب اذا ماجيتني باترك ضيوفي وجايك قلت لاتشيل هم
افا ياابو احمد بغيت اقله ماتدري اني نزلاوي والفزعه والمروه في دمناانا بصراحه دلخت مدري سحرني الراجل ماادري صحيح ماعندي
خبره ومامرستني الحياه والدنيا كانت بخير مافسدت زي ذحين
تصدقون ان الرجال عزمني واعطيته سيارتي واقسمت له اني اجيه
وهو ماوراني بيته في الجامعه نيتي خدمتنى ولكن صدقي نجاني
بدون ماكلمه كنت متجه على النزله دورت وخشيت الجامعه قال خير نسيت شي قلت لاانا ولانته تذكرنا اني مااعرف بيتك وين عشان اجيك حاول اني اروح النزله وهو يجيني بنفسه وياخذني المغرب انا اصريت اني اجي بتكسي ولااشغله عن لزومه وملكة بنته وكان اصراري عجيب ولا ماني جايب خبر المهم جابني في شارع فرعي ومن بعيد اشرلي على بيت في اخر الشارع وقلي من يوم تجي اصلك بتشوف اللمبات تلقاني قدامك نزلت عند بيتي وراح ولسانه يلهج بعبارات الشكر والثناء على موقفي معاه بعد المغرب على مهلى تلبست وتعطرت وشكيت الغتره والعقال وليموزين وعلى الجامعه جيت المكان اللي وصفلي هوه وانه اظلم شارع شفته في حياتي وصمت القبور قبل العشاء ولا نفاخ النار اساله عن ابو احمد لولا حساسية في الموضوع لذكرت لكم اسمه المهم ماهو الفار لعب في عبي ابو عرس الكبير حسيته وبدات اراجع السيناريو قد يكون حصل مكروه له ولالاحد ولغو الملكه قد يكون اختلفو يمكن لكن ابو عرس ماريحني لان تلفوني عنده لو حصل شي لايمكن لاانسان ان ينسى شخص عمل معه معروف وقتها لو كان اردى الناس مع راعي الجميل مايختلف ويجب عليه ان يراعي هذي المساله اذا كان رجل سوي اخذت لي وقت والله ماادري قد ايش ولكنه كان دهرا لي عندي اصدقاء من جماعته وناس من الصبوح اللي كانو معنا في الزواج ويعرفونه مريت على واحد وسألته تعرف فلان قال من قلت
فلان قلي اول قلي انته فين عرفته وفين طبيت فيه قلت والله ماعرفته الا كذا وعلمته بالقصه بدات اعصابي تتلف قلي اهدا واملك حواسك كلها ولا الله يعوض عليك في سيارتك هذا الرجال مقطوع راس وقاطع طريق ولا عمره اخذ عازة احد ورجعت وقبل ثلاثين سنه اشتغل عند ابويه سواق وحمل للحسا وباع السياره وبضاعت التاجر هناك ولاشافه للان ابويه تخيل نفسك مكاني قال صديقي اخشى مااخشاه انه يحمل السياره مخدرات ويطب في يد الحكومه يشرد ويترك السياره الحكومه ماتعرفه ولاتصدقك وقد سواها في واحد قبل كذا ياشيخ يعني سيارتي وسجن قلي الشرهه على فلان وفلان في بدريعرفونه كان نبهوك
اصبح قلبي فارغا احس اني في هاويه اومطب جوي في الطياره
صورلي ابليس كل امر بشع ولولا صديقي هذا ووقفته معي ماادري ايش بيجرالي مرتبك خايف زعلان مقهور محتقر نفسي نادينا على واحد نعرفه يمكن شافه قال سيارتك حمرا والله شفتها في برحت الذيابي واظنه قالو يصرف حبوب هناك قمت ابغا اخرج ماني داري فين اروح متخيل ان الحكومه طبت في السياره وتدورلي قلي صديقي ومااحلى الصداقه لمثل هذه المواقف والله انها من النعم الكبرى قام ولبس وقال قوم انشاالله مانرجع الا بهامادام لقيناله جره بنتبعها صاحبي عنده سياره جديده مشينا وصلنا لقينا راعي لوري خربان مقلع ماهو على وجه الارض سألناه قال كان عندي وبشتري منه بس اظنه شافكم واتجه شمال يعني يبيع صح الله واكبر ضعت يامرعي وضاعت الحرمه والبنت مالها سته شهور الله لايوقع احد منكم وقعتي
اتذكر قال صاحبي يالله وراه شدينا وصلنا مستوره جينا عند حذيفه في القهوه نعرفه ويعرفنا سالناه قال اخوه حمدان كان في الرايس
وقابل ابو احمد معاه سياره حمرا يقول مستأجرها واغلب الظن انه رايح بدر يالله جينا بدر اعرف اكثر من خمسين شخص هناك قابلنا بعضهم
راحو جابو واحد من جماعته قال جاني هنا وبغا يبيعني السياره بس خفت منه لاني اعرفه حرامي 00 ابغا واحد يطمني ولايهون عليه مافي غير صاحبي اللي مهتم باامري وشايف حالتي صعبه قلي لو لقيناه
هنا ايش بتسوي قلت له اول شي اولع في السياره واحرقها وان لقيت فرصه اشويه وسطها قال تحرق السياره قلت والله وانا صادق ودي اسمع بها في حادث مابقي منها مسمار اني لااذبح ذبيحه واغني وارقص رجعنا لقينا ابو صالح عمنا البيطار الله يرفع عنه ويشفيه دهيس بن يحي الصبحي من كيلو ثلاثه قال اشبكم علمناه
قال البيت اللي وراك اياه صحيح بس بابه من الخلف بيت حرمته بنت عمه ولاعنده بنات الكذاب ولاشي عند ولد في الرياض ولايجي جده عشانه قلت زهمنا دقينا الباب البيت مافيه احد قال فيه وغريمك لابد يضوي لو غاب يوم او يومين يجي لانه يقفل عليها في االبيت مستأسرها هذا مجرم
طيب قال الثلث الاخير من الليل اتحراه ودور لسيارتك حول المنطقه
تلقاه مخفيها بعيد الثلث الاخير انا من الساعه عشره والله يااخواني
اني من التعب مااشوف احيان الا مثل الضباب قدام عيني وراسي يصقع في الدركسون من النعاس الساعه ثلاثه فجر قلت اريح ظهري شويه احسه بينكسر دوب مديت واني اسمع صوت شكمان سيارتي وشفت نورها وقفت في شارع خلفي راح النوم والتعب طاير مع الشارع ماصحيت الا انا صادم فيه كان جي للبيت من الزقاق مظلم تدرون ايش سويت فصخت المداس الله يعزكم يحسبني ابغا اضربه قلت خذ قال ايش قلت اعطيني به ثنتين ولا ثلاث لاني استاهل ماهو مداس يبغالي حذيان المسجد كلها تصفقني فركت المفتاح من يده قال لي حاجات في السياره قلت لك التراب والله ان لحقتني عند السياره اني لاادعسك قصةوموقف ودرس قاسي لاينساه الا ميت قلب سامحوني ادري اني اتعبتكم وازعجتكم ولكني احبكم واحد يجيك يقلك جواز البنت طهارالولد نفاس الحرمه ماتعرف ابوه وجده وبيته وسلاله اهله لاتعطيه سيارتك اصحا اقلكم هذا الكلام وانا كنت في ذلك الوقت لايمكن اعطي سيارتي لااقرب شخص لي لو يبغا الرياض اوديه مكان مايبغا في اى وقت لكن السياره لا وفوق هذا حلفت على ابو احمد واقسمت انه ياخذها وعبيتها له بنزين تصدقون اني برضي معجب بذكائه وزعلان من غبائي الى اليوم لااراكم الله مكروه ولاطببكم في فداوي مقطوع راس اهب
ا لكسره تقول
تعاونو وحفرو قبري 00مقصودهم يدفنوني فيه
من يعلم الغيب من يدري00قبر حفرته وتدفن فيه
اظن اني لخبطت فيها ماني متأكد الوقت طويل من وقتها للان
يقول ان صديقه قالها وهو متكي فوق الرجال المقتول رحمه الله هو عند ربه وهو ادرى بعباده وعن نفسي انامسامحه من ليلتها قال لي احد الثقاة اللي يعرفونه تمام قال كل القصص والمصايب اللي ينسبها لخويه هو نفسه ماله خوي ولا صاحب ولا كان احد يدري عنه وين يروح مطارد من القبايل والحكومات وعجزو فيه